ක්රිකට් ක්රීඩාවේ මහගෙදර ලෙසින් විරුදාවලි ලත්, ලොව සෑම ක්රීඩකයෙකුගේම සිහිනයක් වන එංගලන්තයේ ඓතිහාසික ලෝඩ්ස් ක්රීඩාංගණයේදී කිසිදා නොබිඳෙන අතිවිශිෂ්ට ලෝක වාර්තාවක් තම නම ඉදිරියෙන් සටහන් කරගැනීමට ඉන්දීය කණ්ඩායමේ යස්ටිකා භාතියා සමත් වූවාය.
ඇය මෙම ඓතිහාසික දස්කම දැක්වූයේ සංචාරක ඉන්දීය කාන්තා කණ්ඩායම සහ සත්කාරක එංගලන්ත කාන්තා කණ්ඩායම අතර ලෝඩ්ස් පිටියේ පැවැත්වෙන පළමු ටෙස්ට් ක්රිකට් තරගයේ තෙවන දිනය වූ ජූලි 12 වනදායි. එහිදී ඉන්දීය දෙවන ඉනිම වෙනුවෙන් පන්දුවට පහර දීමට පිටියට පිවිසි යස්ටිකා, එංගලන්ත පන්දු යවන්නියන්ට කිසිදු අනුකම්පාවක් නොදක්වමින් අග්රගන්ය ශතකයක් වාර්තා කිරීමට සමත් වූවාය.
මෙය හුදෙක් සාමාන්ය ශතකයක් නොවන්නේ ඇය මෙම සුවිශේෂී ශතකයත් සමගින් ලෝඩ්ස් ක්රීඩාංගණයේදී ටෙස්ට් ශතකයක් රැස්කළ ලොව පළමු මෙන්ම එකම ක්රීඩිකාව ලෙස ජාත්යන්තර ක්රිකට් වංශකතාවට එක්වීම නිසාවෙනි. දශක ගණනාවක අතීතයකට උරුමකම් කියන මෙම ඓතිහාසික ක්රීඩාංගණයේදී මෙතෙක් කිසිදු කාන්තාවක් ටෙස්ට් ශතකයක් ලබාගෙන නොතිබීම මෙහි ඇති සුවිශේෂීම කරුණයි. මෙම විශිෂ්ටතම ජයග්රහණයත් සමගින් ලෝඩ්ස් ක්රීඩාංගණයේ ස්ථාපිත කර ඇති සුප්රසිද්ධ ටෙස්ට් පිතිකරණ ගෞරව පුවරුවේ තමන්ගේ නම රනින් අකුරින් ඇතුළත් කරගත් ලෝකයේ ප්රථම කාන්තාව බවට පත්වීමේ අතිමහත් භාග්යයද යස්ටිකා භාතියාට හිමි වූවාය.
මෙම ඓතිහාසික ඉනිම ගොඩනැගීමේදී ඇය පන්දු 158කට මුහුණ දෙමින් ඉතාමත් ඉවසිලිවන්තව සහ තාක්ෂණිකව සිය පිතිකරණයේ නිරත වූවාය.
ඇයගේ මෙම සුපිරි ඉනිම සඳහා ලකුණු 113ක් ඇතුළත් වූ අතර, මුළු ලෝඩ්ස් පිටියම සිසාරා ගිය අලංකාර හතරේ පහර 14කින් ද ඇයගේ පිත්ත හැඩ විය.
කාන්තා ක්රිකට් ක්රීඩාව දිනෙන් දින ගෝලීය වශයෙන් වර්ධනය වන වර්තමාන වටපිටාවක, යස්ටිකා භාතියා විසින් තැබූ මෙම අපූර්ව වාර්තාව කාන්තා ක්රිකට් ක්රීඩාවේ නව පරිච්ඡේදයක ආරම්භයක් ලෙසද බොහෝ දෙනා පෙන්වා දෙනවා. වඩාත් පුදුමයට කරුණ නම් ජාත්යන්තර ටෙස්ට් පිටිය තුළ ඇය මේ දක්වා ක්රීඩා කර ඇත්තේ ටෙස්ට් තරග හතරකට පමණක් වීමයි.
එම සුළු අත්දැකීම් ප්රමාණය තුළදී ක්රිකට් ක්රීඩාවේ අසීරුතම තණතීරුවකදී සිය මංගල ටෙස්ට් ශතකය මෙලෙස ඓතිහාසික ලෝක වාර්තාවක් බවට පත් කරගැනීමට ඇය දැක්වූ පරිණතභාවය මේ වන විටත් ලොව පුරා ක්රීඩා විචාරකයින්ගේ දැඩි ප්රශංසාවට ලක්වෙමින් පවතී.
නොමිලේ ක්රීඩා පුවත් දැන ගැනීමට සම්බන්ධවන්න
https://chat.whatsapp.com/FrsLYJeHXPI5egahxbywSQ?mode=gi_t
ලෝක ක්රිකට් පිටිය උඩුයටිකුරු කරමින් නවතම ICC පිරිමි T20 ශ්රේණිගත කිරීම්වල පළමු ස්ථානය නැවතත් වෙනස් වෙයි. අලුත්ම ලයිස්තුව මෙන්න. 
ඉතිහාසගත වාර්තාවක්! T20I පිටියේ වාර්තා බිඳ දමමින් ඉතිහාසයට ගිය ඉන්දියාවේ නවතම ක්රිකට් අරුමය මෙන්න 
ජැෆ්නා කණ්ඩායම වෙනුවෙන් ශ්රී ලංකා යොවුන් තරුව ක්රීඩා කළ අපූරු ඉනිම මෙන්න. 
කමිඳු මෙන්ඩිස් ඊයේ රාත්රියේ ප්රහාරාත්මක වේගයෙන් තැබූ ප්රබල සටහන මෙන්න. 
ශ්රී ලංකා කාන්තා ක්රිකට් පිලට කඩුලු 8ක විශිෂ්ට ජයක්! හර්ෂිතාගෙන් සහ විශ්මිගෙන් ශතක! 
මුජීබ් උර් රහ්මන් Colombo Kaps කණ්ඩායමට දෙවන ජයග්රහණය ගෙන ආ දක්ෂතාවය මෙන්න