ශ්රී ලංකා ක්රිකට් ආයතනයේ සිදුවී ඇතැයි කියන දුෂණ අක්රමිකතා පිළිබඳ තොරතුරු හෙළිදරව් කිරීමෙන් පසුව එහි උපදේශකවරයෙකු වශයෙන් කටයුතු කළ අනුර විරසිංහට එරෙහිව විනය ක්රියාමාර්ග ගැනීමට ශ්රී ලංකා ක්රිකට් ආයතනය ගැන ලැබූ තීරණය ක්රියාත්මක කිරීම වළක්වාලමින් කොළඹ දිසා අධිකරණය විසින් අද (15) ශ්රී ලංකා ක්රිකට් ආයතනයේ සභාපති ශම්මි සිල්වා ඇතුළු පිරිසක් වෙත වාරණ නියෝගයක් නිකුත් කළේය.
අනුර විරසිංහ විසින් ඉදිරිපත් කළ පැමිණිල්ලක් විභාග කළ කොළඹ දිසා විනිසුරු සඳුන් විතාන විසින් මේ මස 29 වනදා දක්වා බල පැවැත්වෙන පරිදි අදාල වාරණ නියෝගය නිකුත් කළේය.
එදින මෙම පැමිණිල්ල සම්බන්ධයෙන් කරුණු දක්වන ලෙස දන්වා අදාළ පැමිණිල්ලේ වග උත්තරකරුවන් ලෙස නම් කර සිටි ශ්රී ලංකා ක්රිකට් ආයතනයේ සභාපති ශම්මි සිල්වා ඇතුළු පිරිසක් වෙත නොතීසි නිකුත් කරන ලෙසත් විනිසුරුවරයා නියෝග කළේය.
පෙත්සම්කරු වෙනුවෙන් පෙනී සිටි ජනාධිපති නීතිඥ ඩිනාල් පිලිප්ස් අධිකරණය හමුවේ කරුණු දක්වමින් ශ්රී ලංකා ක්රිකට් ආයතනයේ පවතින දුෂණ හා අක්රමිකතා පිළිබඳව මාධ්යා සාකච්ඡාවක් පවත්වා තම සේවා දායකයා කරුණු හෙළිදරව් කළ බව කියා සිටියේය.
ඉන් අනතුරුව ශ්රී ලංකා ක්රිකට් ආයතනයේ සභාපතිවරයා විසින් තම සේවා දායකයාගේ සේවය නීති විරෝධී ලෙස අත්හිටුවීමට කටයුතු කළ බවත් ඔහුට එරෙහිව විනය ක්රියාමාර්ග ආරම්භ කළ බවත් ජනාධිපති නීතිඥවරයා පැවසුවේය. නීතියට පටහැනි ආකාරයෙන් සිදුකෙරෙන එම විනය පරීක්ෂණය අත් හිටුවීමේ වාරණ නියෝගයක් නිකුත් කරන ලෙසත් ජනාධිපති නීතිඥවරයා අධිකරණයෙන් ඉල්ලා සිටියේය.
ජපානයේ පැවැත්වෙන ආසියානු ක්රීඩා උළෙලේ ක්රිකට් සටනේ , පළමු තරඟයම දැඩි අභියෝගයක්. විස්තරය මෙන්න 
පකිස්තානය පරාජය කරමින් ශ්රී ලංකාව පිවිසි ආසියානු කුසලාන අවසන් මහා තරගයේ විස්තරය මෙන්න 
ශ්රී ලංකා ටෙස්ට් ක්රිකට් ඉතිහාසය උඩුයටිකුරු කරමින් ධනංජය ද සිල්වාට එරෙහිව හදිසි තීරණයක් 
2026 ආසියානු ක්රීඩා උළෙලේදී (Asian Games) ශ්රී ලංකා ක්රිකට් කණ්ඩායමේ සම්පූර්ණ සංචිතය මෙන්න. 
පුහුණු තරඟයක් වුවත්: පන්දු 44කින් එංගලන්ත Lions පිතිකරුවන් ශ්රී ලංකාව අසරණ කළ හැටි. විස්තරය මෙන්න 
ඊයේ ලැබූ උද්වේගකර ජයග්රහනයෙන් පසු නායක චමරි මාධ්ය අමතමින් අවසන් මහා තරඟය ගැන කියු දේ මෙන්න