දසුන් සහ කමිල් මිශාර ශ්‍ර්‍රි ලංකාව වෙනුවෙන් අද උදෑසන අන්ගි සම්බන්දතාවයක් ගොඩනගයි. ශක්තිමත් ලකුණු පුවරුවක් !

බටහිර ඉන්දීය කොදෙව් කණ්ඩායමට එරෙහිව පැවති තීරණාත්මක විස්සයි 20 ක්‍රිකට් තරගයේදී ශ්‍රී ලංකා ප්‍රේක්ෂකයින්ට අමතක නොවන සුපිරි පිතිහරඹයක් ප්‍රදර්ශනය කිරීමට දසුන් ශානක සහ කමිල් මිශාර අද සමත් වූහ. එහිදී පිටියට පිවිසි දසුන් ශානක පන්දු 19ක් පමණක් වැය කරමින් වේගවත් අර්ධ ශතකයක් රැස් කළේ ශ්‍රී ලංකාව වෙනුවෙන් ඔහු විසින්ම තබා තිබූ වේගවත්ම විස්සයි 20 අර්ධ ශතකයේ වාර්තාව යළිත් වරක් සම කරමිනි.
දසුන්ගේ මෙම ප්‍රහාරාත්මක ඉනිමට දැවැන්ත හයේ පහර 4ක් සහ හතරේ පහර 4ක් ඇතුළත් වූ අතර ඔහුගේ ප්‍රහාරාත්මක වේගය 257.09ක් ලෙස සටහන් විය. අනෙක් අන්තයෙන් ඔහුට අනගි සහයක් ලබා දුන් කමිල් මිශාර තමාට ලැබුණු අවස්ථාවෙන් උපරිම ප්‍රයෝජන ගනිමින් සිය 4 වැනි ජාත්‍යන්තර විස්සයි 20 අර්ධ ශතකය වාර්තා කිරීමට සමත් විය.
පන්දු 33කින් වාර්තා වූ කමිල්ගේ නොදැවුණු ලකුණු 50ක ඉනිමට හයේ පහර 3ක් සහ හතරේ පහර 2ක් ඇතුළත් වූ අතර එය 157.14ක ප්‍රහාරාත්මක වේගයකින් සමන්විත විය. කණ්ඩායම දැඩි අර්බුදයක සිටි මොහොතක 5 වැනි කඩුල්ල වෙනුවෙන් මෙම ක්‍රීඩකයින් දෙදෙනා එක්ව ගොඩනැගූ වටිනා ශතක සබඳතාවය හේතුවෙන් නියමිත පන්දුවාර අවසානයේදී කොදෙව් කණ්ඩායමට ලකුණු 195ක දැවැන්ත ජයග්‍රාහී ඉලක්කයක් ලබා දීමට ශ්‍රී ලංකාවට හැකියාව ලැබුණි.

නොමිලේ ක්‍රීඩා පුවත් දැන ගැනීමට සම්බන්ධවන්න 
https://chat.whatsapp.com/FrsLYJeHXPI5egahxbywSQ?mode=gi_t