වැඩිහිටියන්ගෙන් වෙන්ව ඇඳුම් මාරු කිරීමට අවසර ඉල්ලූ ඉන්දීය ක්‍රීඩකයා කවුද! ඇත්තම කතාව මෙන්න

ඉන්දීය කණ්ඩායම නියෝජනය කරමින් ජාත්‍යන්තර වරම් දිනාගන්නා ලාබාලතම ක්‍රීඩකයා වන 15 හැවිරිදි වෛභව් සූර්යවංශිට, එළඹෙන එංගලන්ත විස්සයි-20 සංචාරයේදී ඇඳුම් මාරු කිරීමට වෙනම පහසුකම් භාවිතා කිරීමට සිදුවන බව ‘ද ගාඩියන්’ පුවත්පත අනාවරණය කරයි.

ලබන සිකුරාදා බෙල්ෆාස්ට්හිදී අයර්ලන්තයට එරෙහිව මංගල තරගයට ක්‍රීඩා කිරීමෙන් පසු ඔහු තරග 5කින් යුත් විස්සයි-20 තරගාවලියකට එංගලන්තය බලා යාමට නියමිතය.

ජාත්‍යන්තර ක්‍රිකට් කවුන්සිලයේ සහ එංගලන්ත සහ වේල්ස් ක්‍රිකට් මණ්ඩලයේ ළමා ආරක්ෂණ නීතිවලට අනුව වයස අවුරුදු 16ට අඩු ක්‍රීඩකයින්ට වැඩිහිටි ඇඳුම් මාරු කරන කාමර භාවිතය සම්පූර්ණයෙන්ම තහනම් වේ. මේ හේතුවෙන් එංගලන්තයේ සියලුම ක්‍රීඩාංගණවලදී වෛභව් වෙනුවෙන් විශේෂිත වෙනම ඇඳුම් මාරු කිරීමේ කාමර සලසා දීමට පියවර ගෙන ඇත.

කෙසේ වුවද, තරගය අතරතුර සහ කණ්ඩායම් රැස්වීම්වලදී සෙසු ක්‍රීඩකයින් සමග ඉන්දීය ක්‍රීඩාගාරයේ රැඳී සිටීමට ඔහුට අවසර හිමිවුවත්, මෙම සීමාව ක්‍රියාත්මක වන්නේ තරගයට පෙර සහ පසු ඇඳුම් මාරු කරන අවස්ථාවලදී පමණි. මෙම නීති ක්‍රියාත්මක කිරීම සඳහා එංගලන්ත ක්‍රිකට් මණ්ඩලය ඉන්දීය ක්‍රිකට් පාලක මණ්ඩලය සමග එක්ව කටයුතු කරයි. තවද, මෙම සංචාරය පුරාවට වෛභව්ගේ ආරක්ෂාව වෙනුවෙන් දෙමාපියන්ද ඔහු සමග රැඳී සිටිනු ඇත.

නොමිලේ ක්‍රීඩා පුවත් දැන ගැනීමට සම්බන්ධවන්න 
https://chat.whatsapp.com/FrsLYJeHXPI5egahxbywSQ?mode=gi_t