දිල්ලි ඉනිමේ ආරම්භයම අඩපණ කළ පැතුම් නිශ්ශංක වෙනුවට පැමිණී ආරම්භක පිතිකරු මෙන්න

දිල්ලි කැපිටල්ස් කණ්ඩායම අත්හදා බැලීමක් ලෙස මෙවර IPL තරඟාවලියේ මංගල වරම් ලබා දුන් 18 හැවිරිදි සහිල් පරාක්, සිය පළමු තරඟයේදීම අසාර්ථක වෙමින් ලකුණු නොලබාම ක්‍රීඩාගාරයට හැරී ගියේය.

පැතුම් නිශ්ශංක වෙනුවට ආරම්භක පිතිකරුවෙකු ලෙස කණ්ඩායමට කැඳවා තිබූ මෙම නවක ක්‍රීඩකයාට, රෝයල් චැලෙන්ජර්ස් බැංගලෝර් කණ්ඩායමේ අත්දැකීම් බහුල පන්දු යවන බුවනේෂ්වර් කුමාර් හමුවේ මුහුණ දීමට හැකි වූයේ පන්දු 2කට පමණි.

බුවනේෂ්වර් එල්ල කළ දක්ෂ යෝකර් පන්දුවක් හමුවේ කඩුල්ල බිඳී යාමෙන් සහිල් පරාක් දැවී ගිය අතර, එය දිල්ලි ඉනිම ලකුණු 10කට පෙර කඩුලු 6ක් බිඳ වැටීමේ මහා කඩාවැටීමේ පළමු කඩුල්ල ලෙස සටහන් විය.

මහාරාෂ්ට්‍ර ප්‍රිමියර් ලීග් තරඟාවලියේ දැක්වූ දක්ෂතා හේතුවෙන් මෙවර IPL වෙන්දේසියේදී ඉන්දීය රුපියල් ලක්ෂ 30කට අලෙවි වූ මෙම නවක ක්‍රීඩකයාට, ලොව ප්‍රබලතම පන්දු යවන්නන් හමුවේ IPL පිටියේ පීඩනය දරා ගැනීමට නොහැකි වීම කැපී පෙනෙන සිදුවීමක් විය.