ලෝක ජාවලින් පිටියේ තවත් අමතක නොවන පරිච්ඡේදයක් සටහන් කරන්නට ශ්‍රී ලංකාවේ රුමේෂ් තරංග ඊයේ රාත්‍රියේ සමත් වුණා. ස්විට්සර්ලන්තයේ සූරිච් නුවර පැවැති ඩයමන්ඩ් ලීග් තරගාවලියේදී මීටර් 92.07 ක දැවැන්ත දුරක් ජාවලින් බලපත්‍රය විසි කරමින් සමස්ත තරගාවලියේ ප්‍රථම ස්ථානය දිනාගැනීමට ඔහුට හැකියාව ලැබුණා.
මෙම ජයග්‍රහණය විශේෂ වන්නේ ඔහු හමුවේ පරාජයට පත් වූ ක්‍රීඩකයින්ගේ නාමලේඛනය දෙස බලන විටයි. ඔලිම්පික් හා ලෝක ශූරතාවලී පදක්කම්ලාභීන් රැසක්ම මෙම තරගයට එක්ව සිටියා:
ඇන්ඩර්සන් පීටර්ස් (ග්‍රෙනේඩා): හිටපු ලෝක ශූරයා
කෙෂෝන් වෝල්කොට් (ට්‍රිනිඩෑඩ් සහ ටොබැගෝ): ඔලිම්පික් රන් පදක්කම්ලාභී
ජූලියස් යේගෝ (කෙන්යාව): ඔලිම්පික් රිදී පදක්කම්ලාභී
තෝමස් රෝලර් (ජර්මනිය): ඔලිම්පික් රන් පදක්කම්ලාභී
ඩාවිඩ් වේගනර් (පෝලන්තය)
කර්ටිස් තොම්ප්සන් සහ මාක් ඇන්තනි මිනිචෙලෝ (ඇමෙරිකාව)
පැට්‍රික්ස් ගයිලම්ස් (ලැට්වියාව)
සයිමන් වීලන්ඩ් (ස්විට්සර්ලන්තය)
ලකුණු 31 ක් ලබාගනිමින් සූරිච් තරගයට පෙර සිටම ප්‍රසාද ලකුණු සටහන පෙරමුණේ පසුවූ රුමේෂ්, මෙම ජයග්‍රහණයත් සමග ඉදිරි අවසාන මහා තරගය සඳහා ඉතා ප්‍රබල මානසික මෙන්ම තාක්ෂණික මට්ටමකින් පිවිසීමට මග පාදාගෙන තිබෙනවා. ලෝක පූජිත ප්‍රබලයින් අභිබවා යමින් ලබාගත් මෙම ජයග්‍රහණය ශ්‍රී ලංකා ක්‍රීඩා ඉතිහාසයට එක්වූ සුවිශේෂී සන්ධිස්ථානයක්.
ලෝක ශ්‍රේණිගත කිරීම්වල පෙරමුණට ආ රුමේෂ් තරංග කාලයක් තිස්සේ යුරෝපීය ක්‍රීඩකයන්ගේ සහ ඉන්දියාවේ නීරජ් චොප්රාගේ ආධිපත්‍යයට නතු වී තිබූ ලෝක මලල ක්‍රීඩා පිටියේ හෙල්ල විසිකිරීමේ ඉසව්වේ සමස්ත ඉතිහාසයම සම්පූර්ණයෙන්ම වෙනස් කිරීමට සමත් වී තිබේ.
රුමේෂ් තරංග පතිරගේ නැමැති මෙම විශිෂ්ට ක්‍රීඩකයා ඊයේ සූරිච්හිදී පැවැත්වුණු ඩයමන්ඩ් ලීග් තරගාවලියේදී මීටර් 92.07ක දැවැන්ත දුරක් වාර්තා කරමින් පළමු ස්ථානය දිනාගැනීමට සමත් වූයේ තමන්ගේ මෙම ජයග්‍රාහී ගමන අහම්බයක් නොවන බව මුළු ලෝකයටම නැවත වරක් තහවුරු කරමිනි.
මෙම වසර තුළ රුමේෂ් තැබූ සටහන් දෙස බැලීමේදී ජූනි 04 වනදා රෝමයේ පැවැති ඩයමන්ඩ් ලීග් තරගාවලියේදී මීටර් 92.62ක විසිකිරීමක් සමඟින් නව ශ්‍රී ලංකා ජාතික වාර්තාව පිහිටුවීමට ඔහු සමත් විය.
එය ඔහුගේ පෞද්ගලික හොඳම දක්ෂතාව මෙන්ම මෙතෙක් ලෝකයේ වාර්තා වූ හොඳම දක්ෂතාව ලෙසද සටහන් විය.
ඉන් නොනැවතී ජූලි 31 වනදා ග්ලාස්ගෝහි පැවැති පොදුරාජ්‍ය මණ්ඩලීය ක්‍රීඩා උළෙලේදී ඔලිම්පික් ශූර නීරජ් චොප්රා ඇතුළු ලෝක ප්‍රබලයන් අභිබවා යමින් ඓතිහාසික රන් පදක්කම දිනාගැනීමටද ඔහුට හැකි විය.
අගෝස්තු 21 වනදා ලෝසාන් ඩයමන්ඩ් ලීග් තරගයේදී මීටර් 88.14ක දුරක් සටහන් කරමින් නැවත වරක් නීරජ් චොප්රා පරාජය කළ රුමේෂ්,
අගෝස්තු මාසයේදීම සූරිච් තරග බිමේදී මීටර් 92.07ක අතිවිශිෂ්ට ප්‍රහාරයක් එල්ල කරමින් නැවතත් කිරුළ හිමිකර ගත්තේය. කලකට පෙර මීටර් 90 සීමාව පසුකිරීම ශ්‍රී ලාංකිකයන්ට සිහිනයක් පමණක් වුවද,
අද වන විට රුමේෂ් එම සීමාව සුලබව පසුකරමින් ලෝක මලල ක්‍රීඩා වේදිකාවේ ස්ථාවර ආධිපත්‍යයක් ගොඩනගා ගෙන හමාරය. එක් තරගයකින් බිහි වූ තාවකාලික තරුවක් නොවන බව තහවුරු කරමින්, අඛණ්ඩව ලෝකයේ ඉහළම තලයේ ජයග්‍රහණ වාර්තා කිරීම මඟින් ඔහු ශ්‍රී ලංකා නාමය ජාත්‍යන්තරයේ ඉහළින්ම තැබීමට සමත්ව සිටියි.
නොමිලේ ක්‍රීඩා පුවත් දැන ගැනීමට සම්බන්ධවන්න
https://chat.whatsapp.com/FrsLYJeHXPI5egahxbywSQ?mode=gi_t
මොණරාගල සිට පැමිණි ලංකාවේ ” බට්ටි” ට තවත් ලොකු ම වගකීමක් පැවරෙයි. විස්තරය මෙන්න 
ශ්‍රී ලංකා තරගයේදී ජොස් බට්ලර් පිහිටුවූ විස්මිත T20 ලෝක වාර්තාව මෙන්න 
ඊයේ තරඟය පරාජයට ප්රධානම හේතු මෙන්න. 
මිළඟ තරඟයට ශ්ර්රී ලංකා කණ්ඩායම නව තුරුම්පුවක් 
ඉන්දියානු ක්‍රීඩිකා Kranti Gaud හට හදිසියේම දඩ පැනවීමට හේතුවූ ආසියානු කුසලාන අවසන් තරගයේ එම ආන්දෝලනාත්මක සිදුවීම මෙන්න