තිලකරත්න දිල්ශාන්ගේ දියණිය දේශීය ක්‍රිකට් පිටියට! පළමු තරගයේදීම විශිෂ්ඨ පන්දු යැවීමක්!

වයස අවුරුදු 23න් පහළ කාන්තා නැෂනල් සුපර් ලීග් 2024 තරගාවලිය ඊයේ ආරම්භ වුණා.

තරගාවලිය ආරම්භ කරමින් තරගාවලියේ පළමුත් තරගය ලෙස ගාල්ල හා දඹුල්ල කණ්ඩායම් අතර තරගය පැවැත්විණි.

තරගයේ පළමුවෙන් පන්දුවට පහර දුන් දඹුල්ල කණ්ඩායම පන්දුවාර 19යි පන්දු 3ක් අවසානයේ සියලු දෙනා දැවී ලකුණු 83ක් ලබා ගත්තේය.

ලකුණු 84ක ජයග්‍රාහී ඉලක්කයක් හඹා ගිය ගාල්ල කණ්ඩායමට ලබා ගැනීමට හැකි වූයේ ලකුණු 69ක් පමණි.

ඒ අනුව තරගාවලියේ පළමු තරගයෙන් ලකුණු 14ක ජයක් වාර්තා කිරීමට දඹුල්ල කණ්ඩායම සමත් වුණා.

ශ්‍රී ලංකා හිටපු සුපිරි ක්‍රිකට් ක්‍රීඩක තිලකරත්න ඩිල්ෂාන්ගේ දියණිය වන ලිමිනි ලිමංසා තිලකරත්නද මෙම තරගයට දඹුල්ල කණ්ඩායම නියෝජනය කරමින් ක්‍රීඩා කළාය.

ඇය පන්දුවට පහර දීමේදී ලකුණු දෙකකට දැවී ගියද පන්දු යැවීමේදී විශිෂ්ට පන්දු යැවීමක නිරත විය.

ඇය පන්දු වාර පන්දුවාර 3.1ක් අවසානයේදී ලකුණු නවයක් පමණක් ලබාදී කඩුළු 2ක් බිඳ හෙලීමට සමත් වූවාය.