ලෝක කුසලාන ක්රිකට් තරගාවලියේ සුපිරි 8 දෙනාගේ වටය සඳහා සුදුසුකම් ලබාගැනීමට නොහැකි වීමේ සම්පූර්ණ වගකීම තමා ඇතුළු කණ්ඩායම භාරගන්නා බව ශ්රී ලංකා 20යි 20 කණ්ඩායමේ නායක වනිඳු හසරංග පවසයි.
20යි 20 ලෝක කුසලාන තරගාවලියේ ශ්රී ලංකාව සහ නෙදර්ලන්තය අතර අද (17) පැවති තරගය ලකුණු 83කින් ජය ලැබීමට ශ්රී ලංකා කණ්ඩායම සමත් විය.
එම තරගයෙන් අනතුරුව මාධ්ය වෙත අදහස් දක්වමින් ඔහු මේ බව සඳහන් කළේය.
“ඇත්තටම ගොඩක් කනගාටුයි මුලින්ම කියන්න ඕනේ. කණ්ඩායමක් විදිහට අපේ කණ්ඩායම කොච්චර හොඳ කණ්ඩායමක්ද කියලා. ඒත් අපේ අවාසනාවට අපේ ඒ ගේම් එක් මුල් තරගවලට ගෙනාවේ නෑ. මේ තරගය ජයග්රහණය කරනකොට අපි පරක්කු වැඩියි. ගිය ලෝක කුසලානෙත් මේ ලෝක කුසලානෙත් අපි අපේ අඩුපාඩු ගැන කථා කළා. තවමත් අපි ඒවා හදාගෙන නැහැ. පරාජය වුණාම අපිට තණතීරුවලට සහ විවිධ දේවල්වලට කතන්දර කියන්න පුළුවන්. ප්රොෆෙෂනල් ක්රිකටස්ලා විදිහට අපිට හොඳ නැති දෙයක්. අනිත් රටේ ක්රීඩකයින් ක්රීඩා කරන්නෙත් ඒ තණතීරුවේ. ඒ නිසා අපිත් හැඩගැහෙන්න ඕනේ. කණ්ඩායමක් විදිහට සහ නායකයා විදිහට සම්පූර්ණ වගකීම මම ඇතුළු කණ්ඩායම භාරගන්නවා.”
2026 ආසියානු ක්රීඩා උළෙලේදී (Asian Games) ශ්රී ලංකා ක්රිකට් කණ්ඩායමේ සම්පූර්ණ සංචිතය මෙන්න. 
පුහුණු තරඟයක් වුවත්: පන්දු 44කින් එංගලන්ත Lions පිතිකරුවන් ශ්රී ලංකාව අසරණ කළ හැටි. විස්තරය මෙන්න 
ඊයේ ලැබූ උද්වේගකර ජයග්රහනයෙන් පසු නායක චමරි මාධ්ය අමතමින් අවසන් මහා තරඟය ගැන කියු දේ මෙන්න 
චෙල්ම්ස්ෆෝර්ඩ් සහ බෙක්න්හැම් හිදී පැවැත්වෙන T20 සටන් දෙකේදී ශ්රී ලංකාවට එල්ල වන තර්ජනය මෙන්න 
ශ්රී ලංකා ආසියානු ක්රීඩා සංචිතයට ජ්යෙෂ්ඨ ක්රීඩකයින් 03 දෙනෙකු හදිසියේම කැඳවයි