2026 පන්දුවාර විස්සයි විස්ස ලෝක කුසලාන ක්රිකට් තරගාවලියේ වඩාත්ම තීරණාත්මක සහ ලොවම බලා සිටින ඉන්දියා – පකිස්තාන මහා තරගය සඳහා සහභාගී වීමට ප්රබල ඉන්දීය ක්රිකට් කණ්ඩායම ඊයේ (13) රාත්රියේ කටුනායක ගුවන් තොටුපළ වෙත පැමිණියේය. ඉන්දියාවේ නවදිල්ලි නුවර සිට ‘ස්පයිසි ජෙට්’ ගුවන් සේවයට අයත් SG-9250 දරන විශේෂ ගුවන් යානයෙන් රාත්රී 09.45 ට මෙරටට ළඟා වූ ඉන්දීය කණ්ඩායමට ක්රීඩකයින් සහ නිලධාරීන් 41 දෙනෙකු ඇතුළත් විය.
මීට අමතරව ජාත්යන්තර ක්රිකට් කවුන්සිලයේ (ICC) ඉහළ පෙළේ නිලධාරීන් 12 දෙනෙකු ද මෙම ගුවන් යානයෙන්ම දිවයිනට පැමිණීම විශේෂත්වයකි.
පවතින දැඩි ආරක්ෂක විධිවිධාන මධ්යයේ ඉන්දීය කණ්ඩායමේ පැමිණීම වෙනුවෙන් ගුවන් තොටුපළ බලධාරීන් සුවිශේෂී සූදානමකින් පසු වූ අතර, ඔවුන්ගේ පහසුව සහ ආරක්ෂාව වෙනුවෙන් ‘අධිවේගී’ නිශ්කාශන ක්රියාවලියක් දියත් කර තිබුණි.
ඒ අනුව ගුවන් යානයෙන් බැස විනාඩි 5ක් වැනි අතිශය කෙටි කාලයක් තුළ සියලුම නිල කටයුතු නිම කර කණ්ඩායම ගුවන් තොටුපළෙන් පිටත් කර හැරීමට බලධාරීන් පියවර ගත්තේය. මෙම වේගවත් මෙහෙයුම හරහා ඉහළ පෙළේ ක්රීඩකයන්ට සහ නිලධාරීන්ට කිසිදු ප්රමාදයකින් තොරව සිය නවාතැන් වෙත ගමන් කිරීමට අවස්ථාව හිමි වූ අතර, දැන් මුළු මහත් ක්රිකට් ලෝකයේම අවධානය යොමුව ඇත්තේ ශ්රී ලංකා පොළොවේදී පැවැත්වෙන මෙම දැවැන්ත ඉන්දියා – පකිස්තාන ගැටුම දෙසටයි.
2026 ආසියානු ක්රීඩා උළෙලේදී (Asian Games) ශ්රී ලංකා ක්රිකට් කණ්ඩායමේ සම්පූර්ණ සංචිතය මෙන්න. 
පුහුණු තරඟයක් වුවත්: පන්දු 44කින් එංගලන්ත Lions පිතිකරුවන් ශ්රී ලංකාව අසරණ කළ හැටි. විස්තරය මෙන්න 
ඊයේ ලැබූ උද්වේගකර ජයග්රහනයෙන් පසු නායක චමරි මාධ්ය අමතමින් අවසන් මහා තරඟය ගැන කියු දේ මෙන්න 
චෙල්ම්ස්ෆෝර්ඩ් සහ බෙක්න්හැම් හිදී පැවැත්වෙන T20 සටන් දෙකේදී ශ්රී ලංකාවට එල්ල වන තර්ජනය මෙන්න 
ශ්රී ලංකා ආසියානු ක්රීඩා සංචිතයට ජ්යෙෂ්ඨ ක්රීඩකයින් 03 දෙනෙකු හදිසියේම කැඳවයි