ශ්රී ලංකා ක්රිකට් ආයතනයේ මධ්යම කොන්ත්රාත්තුව යටතේ සිටින ක්රීඩකයින් සඳහා පවත්වනු ලබන අනිවාර්ය යෝග්යතා පරීක්ෂණය (Fitness Test) සම්බන්ධයෙන් අලුත්ම තොරතුරු රැසක් වාර්තා වේ. ක්රික්ඉන්ෆෝ (Cricinfo) වෙබ් අඩවිය උපුටා දක්වමින් වාර්තා වන්නේ මධ්යම කොන්ත්රාත්ලාභී ක්රීඩකයින් 15 දෙනෙකු මෙතෙක් මෙම පරීක්ෂණය සඳහා සහභාගී වී නොමැති බවයි.
මෙසේ යෝග්යතා පරීක්ෂණය සඳහා මෙතෙක් පෙනී නොසිටි ක්රීඩකයින් අතර ශ්රී ලංකා සීමිත පන්දු වාර නායක වනිඳු හසරංග සහ වේග පන්දු යවන ක්රීඩක මතීෂ පතිරණ ද සිටින බව තහවුරු වී ඇත. වනිඳු සහ මතීෂ මේ දිනවල ඉන්දීය ප්රිමියර් ලීග් (IPL) තරගාවලිය සඳහා සූදානමින් පසුවන අතර, වනිඳු හසරංග මෙතෙක් ශ්රී ලංකා ක්රිකට් ආයතනයෙන් විදෙස් ලීග සඳහා සහභාගී වීමට අවශ්ය වන විරෝධතා නොදැක්වීමේ සහතිකය (NOC) ඉල්ලා නොමැති බව ද ක්රිකට් ආයතනය පවසයි.
ශ්රී ලංකා ක්රිකට් මධ්යම කොන්ත්රාත්තුව යටතේ ක්රීඩකයින් 45 දෙනෙකු සිටින අතර, පරීක්ෂණයට සහභාගී වූ ක්රීඩකයින්ගෙන් ක්රීඩකයින් 06 දෙනෙකු අවම වශයෙන් එක් උත්සාහයකදී හෝ අසමත් වී ඇති බව වාර්තා වේ. ශ්රී ලංකා ක්රීඩකයින්ට මෙම යෝග්යතා පරීක්ෂණය සමත්වීම සඳහා යෝ-යෝ (Yo-Yo) පරීක්ෂණයේදී අවම වශයෙන් ලකුණු 17.1ක මට්ටමක් පවත්වා ගත යුතුව ඇත.
2026 ආසියානු ක්රීඩා උළෙලේදී (Asian Games) ශ්රී ලංකා ක්රිකට් කණ්ඩායමේ සම්පූර්ණ සංචිතය මෙන්න. 
පුහුණු තරඟයක් වුවත්: පන්දු 44කින් එංගලන්ත Lions පිතිකරුවන් ශ්රී ලංකාව අසරණ කළ හැටි. විස්තරය මෙන්න 
ඊයේ ලැබූ උද්වේගකර ජයග්රහනයෙන් පසු නායක චමරි මාධ්ය අමතමින් අවසන් මහා තරඟය ගැන කියු දේ මෙන්න 
චෙල්ම්ස්ෆෝර්ඩ් සහ බෙක්න්හැම් හිදී පැවැත්වෙන T20 සටන් දෙකේදී ශ්රී ලංකාවට එල්ල වන තර්ජනය මෙන්න 
ශ්රී ලංකා ආසියානු ක්රීඩා සංචිතයට ජ්යෙෂ්ඨ ක්රීඩකයින් 03 දෙනෙකු හදිසියේම කැඳවයි