2026 අයි පී එල් තරගාවලිය යටතේ රෝයල් චැලෙන්ජර්ස් බැංගලෝර් සහ මුම්බායි ඉන්දියන්ස් කණ්ඩායම් අතර පැවති තරගය අවසන් වූයේ මුළු මහත් ක්රිකට් ලෝකයම මවිතයට පත් කරමින් වුවත්, එම ජයග්රහණයේ සතුට යටපත් කරමින් දැවැන්ත විනය ගැටලුවක් කරළියට පැමිණ තිබේ.
තරගයේ අවසන් පන්දුව දක්වා ඇදී ගිය මෙම තියුණු සටනින් බැංගලෝර් කණ්ඩායම අනපේක්ෂිත ජයක් ලබාගත්තද, එම මොහොතේදී ටිම් ඩේවිඩ් විසින් සිදුකළ එක්තරා ආන්දෝලනාත්මක ක්රියාවක් හේතුවෙන් මේ වන විට ඔහු දැඩි අර්බුදයකට මැදිව සිටී.
පරාජය හමුවේ සිටි මුම්බායි ඉන්දියන්ස් ක්රීඩකයන් ඉලක්ක කර ගනිමින් ඔහු සිය මැද ඇඟිල්ල පෙන්වා සිදුකළ අපහාසාත්මක සංඥාව සජීවී විකාශන කැමරාවල ඉතා පැහැදිලිව සටහන්ව තිබූ අතර, මෙය ක්රීඩාවේ ජීව ගුණයට දැඩි හානියක් බවට විචාරකයන් චෝදනා කළහ.
මෙම සිදුවීම සම්බන්ධයෙන් වහාම ක්රියාත්මක වූ අයි පී එල් පාලනාධිකාරිය විශේෂ විනය පරීක්ෂණයක් පැවැත්වීමට පියවර ගත් අතර එහි ප්රතිඵලය ටිම් ඩේවිඩ්ට මෙන්ම ඔහුගේ කණ්ඩායමටද සුබදායී නොවීය. ඔහු පළමු පන්තියේ විනය නීතියක් බරපතල ලෙස උල්ලංඝනය කර ඇති බවට නිල වශයෙන් තීරණය කෙරුණු අතර,
ඒ වෙනුවෙන් ඔහුට ලැබුණු දඬුවම ක්රීඩකයන්ට දැඩි අනතුරු ඇඟවීමක් කර තිබේ. ඔහුගේ තරග ගාස්තුවෙන් 30% ක විශාල මුදලක් දඩ ලෙස පැනවීමට අමතරව, ඉදිරි තරග සඳහා බලපාන පරිදි සෘණ ලකුණු 2 ක්ද ඔහුගේ නමට ඉදිරියෙන් සටහන් කිරීමට බලධාරීන් කටයුතු කර ඇත. ජයග්රහණයේ උන්මාදයෙන් සිදුකළ මෙම නොමනා හැසිරීම නිසා අතිශය දක්ෂ ක්රීඩකයෙකුට මෙවැනි දඬුවමකට මුහුණ දීමට සිදුවීම මේ වන විට ක්රිකට් ක්ෂේත්රය තුළ දැඩි කතාබහට ලක්වන්නකි.
2026 ආසියානු ක්රීඩා උළෙලේදී (Asian Games) ශ්රී ලංකා ක්රිකට් කණ්ඩායමේ සම්පූර්ණ සංචිතය මෙන්න. 
පුහුණු තරඟයක් වුවත්: පන්දු 44කින් එංගලන්ත Lions පිතිකරුවන් ශ්රී ලංකාව අසරණ කළ හැටි. විස්තරය මෙන්න 
ඊයේ ලැබූ උද්වේගකර ජයග්රහනයෙන් පසු නායක චමරි මාධ්ය අමතමින් අවසන් මහා තරඟය ගැන කියු දේ මෙන්න 
චෙල්ම්ස්ෆෝර්ඩ් සහ බෙක්න්හැම් හිදී පැවැත්වෙන T20 සටන් දෙකේදී ශ්රී ලංකාවට එල්ල වන තර්ජනය මෙන්න 
ශ්රී ලංකා ආසියානු ක්රීඩා සංචිතයට ජ්යෙෂ්ඨ ක්රීඩකයින් 03 දෙනෙකු හදිසියේම කැඳවයි