:ඇෆ්ගනිස්ථාන ක්රිකට් මණ්ඩලය මෙහෙයවන ෂ්පගීසා ක්රිකට් ලීග් තරගාවලියේ මිස් අයිනැක් නයිට්ස් (Mis Ainak Knights) සහ බෑන්ඩ්-ඊ-අමීර් ඩ්රැගන්ස් (Band-e-Amir Dragons) කණ්ඩායම් අතර ඊයේ කෝස්ට් (Khost) හිදී පැවැති තරගය අතරතුර අතිශය දුර්ලභ සහ හාස්යජනක සිදුවීමක් වාර්තා විය.
මිස් අයිනැක් නයිට්ස් කණ්ඩායමේ නායක සහ ඇෆ්ගනිස්ථාන ජාතික කණ්ඩායමේ සුපිරි ආරම්භක පිතිකරු රහ්මානුල්ලාහ් ගුර්බාස් (Rahmanullah Gurbaz) පන්දු රකිමින් සිටි අවස්ථාවකදී පිටියට කඩාවැදුණු ප්රේක්ෂකයෙකු මෙම අපූර්ව ක්රියාව සිදුකර තිබේ.
තරගයේ පළමු ඉනිම අතරතුර පිටියට කඩාවැදුණු මෙම ප්රේක්ෂකයා වේගයෙන් දුවගෙන ආවේ ගුර්බාස් දෙසටය. තමන්ගේ රසිකයෙකු තමන්ට අතට අත දීමට හෝ වැළඳ ගැනීමට එන බව සිතූ ගුර්බාස් ද ඉතා සුහදශීලීව ඔහු දෙසට ගමන් කළේය. එහෙත් ගුර්බාස් අසලටම පැමිණි ප්රේක්ෂකයා එකවරම ගුර්බාස් හිස ලා සිටි නිල ක්රීඩා තොප්පිය (Cap) උදුරාගෙන, ආරක්ෂක නිලධාරීන්ට ද කොටු නොවී නැවත ක්රීඩාංගණයෙන් පිටතට දුවන්නට විය.
මෙම බලාපොරොත්තු නොවූ සිදුවීමෙන් ගුර්බාස් මෙන්ම පිටියේ සිටි සෙසු ක්රීඩකයින් සහ විනිසුරුවන් ද මවිතයට පත් වූ අතර, ගුර්බාස් එය ඉතා සැහැල්ලුවෙන් භාරගනිමින් සිනාසෙන අයුරු දර්ශනවල සටහන්ව තිබුණි. මෙම සිදුවීමේ වීඩියෝ පට මේ වන විට Twitter (X) ඇතුළු සමාජ මාධ්ය ජාලාවල දැඩි ලෙස සංසරණය වෙමින් පවතී.
2026 ආසියානු ක්රීඩා උළෙලේදී (Asian Games) ශ්රී ලංකා ක්රිකට් කණ්ඩායමේ සම්පූර්ණ සංචිතය මෙන්න. 
පුහුණු තරඟයක් වුවත්: පන්දු 44කින් එංගලන්ත Lions පිතිකරුවන් ශ්රී ලංකාව අසරණ කළ හැටි. විස්තරය මෙන්න 
ඊයේ ලැබූ උද්වේගකර ජයග්රහනයෙන් පසු නායක චමරි මාධ්ය අමතමින් අවසන් මහා තරඟය ගැන කියු දේ මෙන්න 
චෙල්ම්ස්ෆෝර්ඩ් සහ බෙක්න්හැම් හිදී පැවැත්වෙන T20 සටන් දෙකේදී ශ්රී ලංකාවට එල්ල වන තර්ජනය මෙන්න 
ශ්රී ලංකා ආසියානු ක්රීඩා සංචිතයට ජ්යෙෂ්ඨ ක්රීඩකයින් 03 දෙනෙකු හදිසියේම කැඳවයි