ශ්රී ලංකාව සහ බටහිර ඉන්දීය කොදෙව් කණ්ඩායම අතර ඇන්ටිගුවා හි පැවැති දෙවැනි ටෙස්ට් ක්රිකට් තරගයේදී නියමිත කාලය තුළ පන්දුවාර සංඛ්යාව යොමු කිරීමට අපොහොසත් වීම (Slow Over-rate) හේතුවෙන් කොදෙව් කණ්ඩායමට සිය තරග ගාස්තුවෙන් 10%ක දඩයක් පැනවීමට ජාත්යන්තර ක්රිකට් කවුන්සිලය (ICC) පියවර ගෙන තිබේ.
මෙම තරගයේ තරග තීරකවරයා ලෙස කටයුතු කළ ඉන්දීය ජාතික ජවගල් ශ්රීනාත් මහතා විසින් වාර්තා කර ඇත්තේ, කොදෙව් කණ්ඩායම නියමිත කාලය අවසන් වන විට යොමු කළ යුතු පන්දුවාර සංඛ්යාවට වඩා පන්දුවාර 2ක් අඩුවෙන් යොමු කර ඇති බවයි. අයි.සී.සී. චර්යාධර්ම සංග්රහයට අනුව, කණ්ඩායමක් නියමිත කාලය තුළ පන්දු යැවීමට අපොහොසත් වන සෑම පන්දුවාරයක් සඳහාම ක්රීඩකයින්ගේ තරග ගාස්තුවෙන් 5%ක දඩයක් පැනවෙන අතර, ඒ අනුව පන්දුවාර 2ක් ප්රමාද වීම හේතුවෙන් ඔවුන්ට මෙලෙස 10%ක දඩයක් නියම වී ඇත. මෙම දඩ මුදල 50%ක උපරිමයක් දක්වා පැනවීමට ද හැකියාව පවතී.
දඩ මුදලට අමතරව, අයි.සී.සී. ලෝක ටෙස්ට් ශූරතාවලියේ (WTC) කොදෙව් කණ්ඩායම ලබා සිටි ප්රසාද ලකුණු සංඛ්යාවෙන් ලකුණු 2ක් කපා හැරීමට ද තීරණය කර තිබේ. ලෝක ටෙස්ට් ශූරතාවලියේ තරග කොන්දේසිවලට අනුව, නියමිත කාලය තුළ සම්පූර්ණ නොකරන සෑම පන්දුවාරයක් සඳහාම ප්රසාද ලකුණු සටහනෙන් එක් ලකුණ බැගින් කපා හරිනු ලබයි. ඒ අනුව පන්දුවාර දෙකක ප්රමාදය වෙනුවෙන් ඔවුන්ට මෙලෙස ලකුණු 2ක් අහිමි වී ඇත.
නොමිලේ ක්රීඩා පුවත් දැන ගැනීමට සම්බන්ධවන්න
https://chat.whatsapp.com/FrsLYJeHXPI5egahxbywSQ?mode=gi_t
2026 ආසියානු ක්රීඩා උළෙලේදී (Asian Games) ශ්රී ලංකා ක්රිකට් කණ්ඩායමේ සම්පූර්ණ සංචිතය මෙන්න. 
පුහුණු තරඟයක් වුවත්: පන්දු 44කින් එංගලන්ත Lions පිතිකරුවන් ශ්රී ලංකාව අසරණ කළ හැටි. විස්තරය මෙන්න 
ඊයේ ලැබූ උද්වේගකර ජයග්රහනයෙන් පසු නායක චමරි මාධ්ය අමතමින් අවසන් මහා තරඟය ගැන කියු දේ මෙන්න 
චෙල්ම්ස්ෆෝර්ඩ් සහ බෙක්න්හැම් හිදී පැවැත්වෙන T20 සටන් දෙකේදී ශ්රී ලංකාවට එල්ල වන තර්ජනය මෙන්න 
ශ්රී ලංකා ආසියානු ක්රීඩා සංචිතයට ජ්යෙෂ්ඨ ක්රීඩකයින් 03 දෙනෙකු හදිසියේම කැඳවයි