ශ්‍රී ලංකා සංචාරයට පෙර ඉන්දියාවට දැවැන්ත පහරක්!නායක ෂුබ්මන් ගිල් ආබාධයකට ලක්වෙයි!

ශ්‍රී ලංකාව සමඟ ආරම්භ වීමට නියමිත තීරණාත්මක ටෙස්ට් ක්‍රිකට් තරගාවලියට පෙර ඉන්දීය ටෙස්ට් කණ්ඩායමේ නායක ෂුබ්මන් ගිල් (Shubman Gill) ආබාධයකට ලක්ව ඇති බව වාර්තා වේ.

ඊයේ (06) පැවැති පුහුණු සැසියකදී ඔහුගේ දකුණු අතේ ඇඟිල්ලක් මෙලෙස ආබාධයට ලක්ව තිබේ. මේ හේතුවෙන් ශ්‍රී ලංකා XI කණ්ඩායමට එරෙහිව අද (07) ආරම්භ වූ පුහුණු තරගයට ක්‍රීඩා කිරීමේ අවස්ථාවද ඔහුට අහිමි විය.

අගෝස්තු 15 වන දින ගාල්ල ජාත්‍යන්තර ක්‍රිකට් ක්‍රීඩාංගණයේදී ආරම්භ වීමට නියමිත පළමු ටෙස්ට් තරගය සඳහා ඉන්දීය කණ්ඩායම මෙහෙයවීමට ගිල් සුවපත්ව පැමිණෙන්නේද යන්න පිළිබඳව මේ වන විට පවතින්නේ දැඩි අවිනිශ්චිත තත්ත්වයකි. මීට පෙර වේග පන්දු යවන ක්‍රීඩක ජස්ප්‍රීට් බුම්රා ද ආබාධයක් නිසා තරගාවලියෙන් ඉවතට විසිවූ අතර, ගිල්ගේ මෙම ආබාධය ඉන්දීය පිලට එල්ල වූ තවත් ප්‍රබල පහරකි.