නොසිතූ පෙරළියකින් 2027 දැවැන්ත ලෝක කුසලාන සටනට සෘජුවම තවත් කණ්ඩායමක් සුදුසුකම් ලබයි. විස්තරය මෙන්න,

ජාත්‍යන්තර එක්දින ක්‍රිකට් පිටියේ දැවැන්ත පෙරළියක් සිදු කරමින්, එළැඹෙන 2027 පිරිමි එක්දින ලෝක කුසලාන තරගාවලිය සඳහා සෘජුවම සුදුසුකම් ලැබූ නවතම කණ්ඩායම බවට පත්වීමට ඇෆ්ගනිස්තානය අද සමත් වුණා. දෙපිළ අතර පැවැති අතිශය තීරණාත්මක තෙවන සහ අවසාන එක්දින ජාත්‍යන්තර තරගයේදී ප්‍රබල අයර්ලන්ත කණ්ඩායම මුළුමනින්ම අඩපණ කරමින් ලබාගත් මෙම සුවිශේෂී ජයග්‍රහණයත් සමඟයි ඔවුන් මෙලෙස ලෝක කුසලාන මාවත විවෘත කරගනු ලැබුවේ.

තරගාවලිය පුරාම අතිවිශිෂ්ට දක්ෂතා දැක්වූ ඇෆ්ගනිස්තාන ක්‍රීඩකයින්, මෙම 3 වන තරගයේදීත් ලකුණු පුවරුව වේගයෙන් ඉහළට ඔසවා තබමින් ප්‍රතිවාදීන්ට දැඩි පීඩනයක් එල්ල කිරීමට සමත් වුණා. මෙම තීරණාත්මක තරග ජයග්‍රහණයෙන් අනතුරුව අයිසීසී ප්‍රසාද ලකුණු සටහන තුළ දැවැන්ත පිම්මක් ලබාගැනීමට ඇෆ්ගනිස්තානයට හැකිවූ අතර,

එමගින් ලෝක ක්‍රිකට් පිටියේ ප්‍රබල රටවල් කිහිපයක්ම පසුපසට තල්ලු කරමින් අවසන් කණ්ඩායම් 8 අතර තම ස්ථානය සජීවීව තහවුරු කරගැනීමට ඔවුන්ට හැකියාව ලැබුණා.

අයිසීසී ශ්‍රේණිගත කිරීම් සහ ප්‍රසාද ලකුණු එකතුව මත පදනම්ව 2027 ලෝක කුසලානය සඳහා හිමිවන මෙම සෘජු සුදුසුකම් ලැබීමේ වරම ලබාගැනීමට මීට පෙර කොදෙව් සහ අයර්ලන්තය වැනි ප්‍රබල කණ්ඩායම් දැඩි උත්සාහයක නිරත වුණා.

කෙසේ වෙතත් අයර්ලන්තයට එරෙහිව පැවැති තරග 3 පුරාම පන්දුවෙන් සහ පිත්තෙන් දැක්වූ අනුපමේය සංයමය නිසා ඇෆ්ගනිස්තානයට කිසිදු සුදුසුකම් ලැබීමේ තරගාවලියකට මුහුණ නොදී සෘජුවම 2027 ලෝක කුසලාන සිහිනය සැබෑ කරගැනීමේ අද්විතීය අවස්ථාව උදාවී තිබෙනවා.

මෙම අනපේක්ෂිත ජයග්‍රහණයත් සමඟ 2027 ලෝක කුසලාන තරගාවලියේ සමස්ත මුහුණුවරම වෙනස් වී ඇති අතර, ඇෆ්ගනිස්තානය වැනි නැගී එන බලවේගයක් සෘජුවම අවසන් පූර්ව වටයේ බලාපොරොත්තු ඇතිව තරගාවලියට පැමිණීම ඉදිරියේදී ලෝක ක්‍රිකට් ක්ෂේත්‍රය තුළ තවත් දැවැන්ත කුතුහලයක් සහ උණුසුම් තරගකාරීත්වයක් නිර්මාණය කිරීමට සමත්වනු ඇත.


නොමිලේ ක්‍රීඩා පුවත් දැන ගැනීමට සම්බන්ධවන්න 
https://chat.whatsapp.com/FrsLYJeHXPI5egahxbywSQ?mode=gi_t