ලකුණු 72-65ක ත්රිලර් තරගයකින් පසු ආසියානු කුසලාන සුදුසුකම් ලැබීමේ වටයේ පෙරමුණ ශ්රී ලංකාවට
ජාත්යන්තර තරග පිටියේ සුවිශේෂී වික්රමයක් කිරීමට ශ්රී ලංකා පැසිපන්දු කණ්ඩායම සමත් වී තිබේ. 2029 ආසියානු කුසලාන පැසිපන්දු තරගාවලිය සඳහා සුදුසුකම් ලැබීමේ වටය යටතේ පැවැති අතිශය තීරණාත්මක මෙන්ම උණුසුම් තරගයකදී බලවත් කිරිගිස්ථාන කණ්ඩායම හමුවේ ලකුණු 72-65ක විශිෂ්ට ජයක් වාර්තා කිරීමට ශ්රී ලංකා ක්රීඩකයෝ සමත් වූහ.
තරගයේ මුල සිට අග දක්වාම පැවැති දැඩි තරගකාරීත්වය හමුවේ කිසිදු මොහොමතක නොසැලී සිටි අපේ ක්රීඩකයන්, අවසාන තත්පරය දක්වා දැක්වූ අසමසම එකමුතුකම සහ උපක්රමශීලී ක්රීඩා විලාසය මෙම විශිෂ්ට ජයග්රහණයට ප්රධානතම හේතුව විය.
මෙය ශ්රී ලංකා පැසිපන්දු කණ්ඩායම මෙවර සුදුසුකම් ලැබීමේ තරගාවලියේදී අඛණ්ඩව වාර්තා කළ දෙවන අනුගාමික ජයග්රහණය ලෙස ඉතිහාසයට එක්වේ. මෙම විශිෂ්ට ජයග්රාහී ගමනත් සමඟින් මූලික වටයේ ‘B’ කාණ්ඩයේ ප්රමුඛස්ථානය හෙවත් අංක එකේ ස්ථානය හිමිකර ගැනීමට ශ්රී ලංකා කණ්ඩායමට හැකිවීම සුවිශේෂී කරුණකි.
කණ්ඩායමේ සියලුම ක්රීඩකයන් අතර පැවැති අතිශය ඉහළ කණ්ඩායම් හැඟීම සහ තරගකාරී මානසිකත්වය හමුවේ ප්රතිවාදී කිරිගිස්ථාන කණ්ඩායමට කිසිදු අයුරකින් තරගයේ ආධිපත්යය තමන් සතු කරගැනීමට ඉඩ නොලැබුණු අතර, මුළු තරගය පුරාම ශ්රී ලංකා ක්රීඩකයෝ සිය ප්රබල බලපෑම තහවුරු කළහ.
පැසිපන්දු වැනි ක්රීඩාවන් සඳහා මෙරට තුළ ලැබෙන අඩු ප්රචාරණය සහ පහසුකම් හමුවේ වුවද, ජාත්යන්තර තලයේදී මාතෘ භූමිය වෙනුවෙන් උපරිම කැපවීම දැක්වීමට මෙම තරුණ ක්රීඩකයින් මොහොතකටවත් පසුබට වී නැත.
කිසිදු විශාල ප්රසිද්ධියක් හෝ මාධ්ය ප්රචාරයක් නොමැතිව නිහඬවම රටට විශාල කීර්තියක් අත්කර දෙන මෙම ක්රීඩකයින්ගේ මීළඟ තීරණාත්මක තරගය එළඹෙන සඳුදා දිනයේදී පැවැත්වීමට නියමිතය. එහිදී ඔවුන්ට තරග වැදීමට සිදු වන්නේ ආසියානු කලාපයේ ප්රබල කණ්ඩායමක් වන කසකස්ථානයට එරෙහිව වීම තරගයේ තීව්රතාව මෙන්ම කුතුහලය ද තවත් වැඩි කරවයි.
නොමිලේ ක්රීඩා පුවත් දැන ගැනීමට සම්බන්ධවන්න
https://chat.whatsapp.com/FrsLYJeHXPI5egahxbywSQ?mode=gi_t