එංගලන්තය සුපුරුදු රිද්මයට! ලකුණු 181 ඉලක්කය පහසුවෙන් හඹා යයි!

එංගලන්තය සහ සම-සත්කාරක බටහිර ඉන්දීය කොදෙව් අතර පැවති 20යි 20 ලෝක කුසලාන තරගාවලියේ “සුපර් 8” තරගයෙන් පහසු ජයක් වාර්තා කිරීමට එංගලන්තය සමත් විය.

ශාන්ත ලුසියා හි පැවති එම තරගයෙන් පළමුව පන්දුවට පහරදුන් කොදෙව්වෝ සිය ඉනිම සඳහා කඩුලු 4ක් දැවී ලකුණු 180ක් රැස් කළේය.

අඩිල් රශිඩ් හැර එංගලන්තයේ අන් සියලුම පන්දු යවන්නන් දැඩි ප්‍රහාරයකට ලක් වූ අතර ඔහු සිය පන්දුවාර 4 ලකුණු 21ක් පමණක් ලබා දෙමින් නිමා කිරීමට සමත් විය.

ඊට පිළිතුරු ලෙස එංගලන්ත කණ්ඩායම පන්දු ඕවර 17.3කදී ජයග්‍රහණය සඳහා අවශ්‍ය ලකුණු 181 රැස්කළේය.

පිල් සෝල්ට් නොදැවී ලකුණු 87යි.