ක්රිකට් ක්රීඩාවට ශාරීරික යෝග්යතා පරීක්ෂණ අත්යවශ්ය වුවත් එය සලකා බැලීමට තිබුණේ මීට කලකට පෙරදී බව හිටපු ශ්රීි ලංකා ක්රීඩක චමින්ද වාස් පවසනවා.
සටහනක් තබමින් ඔහු පවසා ඇත්තේ හදිසියේ ශාරීරික යෝග්යතා පරීක්ෂණ අනිවාර්ය කිරීම තුළින් පෙනීයන්නේ සැලසුම්වල දුර්වලතාවය බවයි.
වර්තමානයේ ශ්රී ලංකා ක්රිකට් ආයතනය සලකා බලන ශාරීරික යෝග්යතා පරීක්ෂණයට කිලෝමීටර් දෙක දුර ධාවනය ඇතුළු අංග 5කට ලකුණු ලබාදෙන අතර, සමත්වීමට ලකුණු 17ක් ලබාගත යුතුයි.
මේ අතර IPL තරගාවලියට සහභාගී වීමට ශාරීරික යෝග්යතා පරීක්ෂණයට ඉදිරිපත්ව අසමත් වූ නුවන් තුෂාරට යළි අවස්ථාවක් ලබා දීමට ද තීරණය කර තිබෙනවා.
“ පසුගිය වසර හතරක පමණ කාලය පුරාවටම ශ්රී ලංකා ක්රිකට් ආයතනය ජාත්යන්තර ක්රිකට් ක්රීඩාවේ ශාරීරික යෝග්යතා ප්රමිතීන් නොසලකා හැර තිබුනා.
මා මීට පෙර බොහෝ වතාවක්ම පවසා තිබූ පරිදි ක්රිකට් ක්රීඩාවේදී ශාරීරික යෝග්යතාවය අතිශයින් වැදගත්, ඒ ගැන කිසිම සැකයක් නැහෑ.
නමුත් වසර ගණනාවක් එය නොසලකා හැර, හිටිහැටියේම IPL තරගාවලියට ආසන්නව මෙවැනි දැඩි නීති ක්රියාත්මක කරන්න ඔබට බැහෑ. දැන් ක්රීඩකයෙකුට (කණ්ඩායමෙන්) ඉවත් වීමට සිදුවීම විනය පවත්වා ගැනීමේ දුර්වලකමකට වඩා, දුර්වල සැලසුම්කරණයක ප්රතිඵලයක් ලෙසයි හැඟෙන්නේ.”
චමින්ද වාස් සිය ෆේස්බුක් ගිණුමේ සටහනක් තබමින් දක්වා ඇත.
ශ්රී ලංකා ක්රිකට් ගොඩගන්න නව පුහුණුකරුවන් දෙදෙනෙක් 
NOC ප්රශ්නය උඩුදුවයි: නුවන් තුෂාර සහ ක්රිකට් ආයතනය අතර නීතිමය සටන අධිකරණයෙන් ඇරඹෙයි! 
දිනේෂ් චන්දිමාල් ක්රිකට් පිටියට යළි අභියෝග කරයි! යෝග්යතා පරීක්ෂණයේ තීරණය කුමක්ද? 
ශ්රී ලංකා ක්රිකට් තරු වලට කණ කොකා හඬයි! ක්රීඩකයින්ට අලුත් අභියෝගයක්! 
චාමිකගේ DNA ටෙස්ට් එකට මොකද වෙන්නේ? ලේ දෙන්න බෑ කියද්දී උසාවියේ දිගහැරුණු අලුත්ම කතාව මෙන්න! 
ප්රබල IPL ක්රීඩකයෙක්ට බරපතල ස්ත්රී දූෂණ චෝදනා කිහිපයක්